Kanz al-Ummal: Hadith 25582

25582 ۔۔۔ ” مسند رباح بن ربیع “ رباح بن ربیع (رض) کہتے ہیں ہم نے نبی کریم (صلی اللہ علیہ وآلہ وسلم) کے ساتھ جہاد کیا آپ نے ہم میں سے ہر تین آدمیوں کو ایک اونٹ دیا تھا صحرا میں دو آدمی اونٹ پر سوار ہوتے اور تیسرا اسے ہانکتا تھا ہم پہاڑ میں جا اترے اتنے میں نبی کریم (صلی اللہ علیہ وآلہ وسلم) میرے پاس سے گزرے جبکہ میں پیدل چل رہا تھا آپ نے فرمایا : اے رباح ! میں تجھے پیدل چلتا دیکھ رہا ہوں میں نے عرض کہا : میں ابھی ابھی اترا ہوں جبکہ میرے یہ دو ساتھی سوار ہوئے ہیں آپ (صلی اللہ علیہ وآلہ وسلم) میرے دو رفقائے سفر کے پاس سے گزرے انھوں نے اونٹ بٹھا دیا اور دونوں نیچے اتر آئے جب میں ان کے پاس پہنچا وہ بولے : اس اونٹ کے سینے پر (یعنی آگے) تم سوار ہوجاؤ تم برابر ہو گے تاوقتیکہ واپس لوٹ آؤ پیدل چلنے کی باری میرے اور میرے دوسرے ساتھی کے درمیان ہوگی میں نے پوچھا : بھلا یہ کیوں ؟ وہ بولے : رسول اللہ (صلی اللہ علیہ وآلہ وسلم) نے ارشاد فرمایا ہے کہ تمہارا رفیق سفر نیک و صالح آدمی ہے لہٰذا اس کے ساتھ اچھی رفاقت رکھو ۔ (رواہ الطبرانی)