Kanz al-Ummal: Hadith 25645

25645 ۔۔۔ ” مسند صدیق “ سیدنا حضرت ابوبکر صدیق (رض) روایت کی ہے کہ نبی کریم (صلی اللہ علیہ وآلہ وسلم) نے ارشاد فرمایا : مملوک کے ساتھ برا برتاؤ کرنے والا جنت میں داخل نہیں ہوگا ایک شخص نے عرض کیا : یا رسول اللہ (صلی اللہ علیہ وآلہ وسلم) کیا آپ نے ہمیں نہیں بتایا تھا کہ اس امت کے مملوکین اور ایتام (یتیم کی جمع) کثیر ہوں گے ؟ آپ نے فرمایا : جی ہاں ، مملوکین اور ایتام کا اپنی اولاد کی طرح اکرام کرو جو کھانا تم کھاؤ وہی انھیں کھلاؤ انھیں ویسے ہی کپڑے پہناؤ جیسے تم پہنتے ہو ، اس شخص نے عرض کیا : یا رسول اللہ (صلی اللہ علیہ وآلہ وسلم) دنیا میں ہمیں کیا چیز نفع پہنچا سکتی ہے ؟ فرمایا : وہ گھوڑا جسے تم جہاد فی سبیل اللہ کے لیے پالو اور وہ غلام جو تمہاری کفایت کرتا ہو جب وہ نماز پڑھے وہ تمہارا بھائی ہے۔ (رواہ ابن ابی شیبۃ واحمد بن حنبل وابن ماجہ وابو یعلی وابو نعیم فی الحلیۃ والخرائطی فی مکارم الاخلاق وھو ضعیف) ۔ کلام : ۔۔۔ حدیث ضعیف ہے دیکھئے ضعیف ابن ماجہ 806 ۔