Kanz al-Ummal: Hadith 25667

25667 ۔۔۔ ” مسند ابی ذر “ اے ابو ذر ! کیا تو نے اسے ماں کی عار دلائی ہے تجھ میں تو جاہلیت ہے تمہارے غلام تمہارے بھائی ہیں اللہ تبارک وتعالیٰ نے انھیں تمہارے ماتحت بنایا ہے سو جس کا بھائی اس کے ماتحت ہو وہ اسے ایسا ہی کھانا کھلائے جیسا خود کھاتا ہو اور اسے ایسا ہی لباس پہنائے جیسا خود پہنتا ہو ان پر ایسے کام کا بار مت ڈالو جو انھیں مغلوب کر دے اگر گراں بار ان پر ڈالو تو ان کی مدد کرو ۔ (رواہ احمد بن حنبل والبخاری ومسلم وابو داؤد والترمذی وابن ماجہ وابن حبان عنا ابی ذر ) ابو ذر (رض) کہتے ہیں : میں نے ایک شخص کا گالی دی اور اسے ماں کا عیب لگایا اس پر نبی کریم (صلی اللہ علیہ وآلہ وسلم) نے یہ حدیث ارشاد فرمائی ۔