Kanz al-Ummal: Hadith 25762

25762 ۔۔۔ ابو طلحہ روایت کی ہے کہ ہم کونوں کھدروں میں بیٹھے باتیں کر رہے تھے اتنے میں رسول اللہ (صلی اللہ علیہ وآلہ وسلم) تشریف لائے اور ہمارے پاس کھڑے ہوگئے اور فرمایا : ٹیلوں پر یہ تمہاری کیسی مجلسیں ہیں ٹیلوں پر مجلس قائم کرنے سے اجتناب کرو ہم نے عرض کیا : یا رسول اللہ (صلی اللہ علیہ وآلہ وسلم) ! ہم کسی پریشانی کے لیے نہیں بیٹھے ہم مذاکرہ کرتے ہیں اور گفتگو کرتے ہیں فرمایا : جب یہ بات ہے تو مجلسوں کا حق ادا کرو ، ہم نے عرض کیا : مجلسوں کا حق کیا ہے ؟ فرمایا : نظریں نیچی رکھنا ، سلام کا جواب دینا اور اچھا کلام کرنا ۔ (رواہ البیہقی فی شعب الایمان، وابن النجار)