Kanz al-Ummal: Hadith 25768

25768 ۔۔۔ حضرت انس بن مالک (رض) روایت کی ہے کہ نبی کریم (صلی اللہ علیہ وآلہ وسلم) مدینہ منورہ تشریف لائے میں دس سال کا تھا اور جب آپ کی وفات ہوئی تو میں بیس سال کا تھا ۔ میری مائیں مجھے آپ کی خدمت پر برانگیختہ کرتی تھیں ایک مرتبہ آپ ہمارے ہاں تشریف لائے ہم نے اپنی ایک بکری کا دودھ دوہا اور اپنے گھر میں واقع کنویں کا پانی نکال کر کچی بنائی سیدنا حضرت ابوبکر صدیق (رض) آپ کی بائیں طرف بیٹھے تھے اور ایک دیہاتی دائیں طرف بیٹھا تھا ، نبی کریم (صلی اللہ علیہ وآلہ وسلم) نے دودھ پیا عمر (رض) ایک کونے میں بیٹھے تھے سیدنا حضرت عمر بن خطاب (رض) بولے : دودھ سیدنا حضرت ابوبکر صدیق (رض) کو دے دیں ۔ لیکن آپ (صلی اللہ علیہ وآلہ وسلم) نے اعرابی کو دودھ دیا اور فرمایا : دایاں تو دایاں ہے۔ (رواہ ابن عساکر)