Kanz al-Ummal: Hadith 26805

26805 ۔۔۔ عکرمہ بن خالد مخزومی کی روایت ہے کہ مجھے اہل مدینہ کے ایک شخص نے حدیث سنائی ہے کہ ایک مرتبہ نماز عصر کے لیے مؤذن نے اذان دی عثمان بن عفان (رض) نے طہارت کے لیے پانی منگوایا وضو کیا اور پھر فرمایا میں نے نبی کریم (صلی اللہ علیہ وآلہ وسلم) کو ارشاد فرماتے سنا ہے کہ جس شخص نے اس طرح وضو کیا جس طرح اسے حکم دیا گیا تھا اس کے پہلے گناہ بخش دیئے جائیں گے پھر سیدنا حضرت عثمان ذوالنورین (رض) نے اپنے اس بیان پر رسول اللہ (صلی اللہ علیہ وآلہ وسلم) کے چار صحابہ کرام رضوان اللہ تعالیٰ عنہم اجمعین کو گواہ بنایا چنانچہ انھوں نے گواہی دی ۔ (رواہ سعید بن المنصور)