Kanz al-Ummal: Hadith 26956

26956 ۔۔۔ سیدنا حضرت علی المرتضی (رض) روایت کی ہے کہ میں نے نبی کریم (صلی اللہ علیہ وآلہ وسلم) کو دیکھا آپ نے اعضاء وضو کو تین تین بار دھویا پھر آپ نے چلو میں پانی لیا اور سر پر ڈال لیا چنانچہ میں نے دیکھا کہ پانی کے قطرے آپ کے چہرہ اقدس پر گر رہے تھے ۔ (رواہ المخلص وسندہ حسن) ۔ فائدہ : ۔۔۔ ان احادیث سے جو چیز مترشح ہوتی ہے وہ سر کا مسح ہے خواہ ایک بار ہو یا تین بار یا چلو بھر کر سر پر ڈالا جائے مقصود سب سے سر کا مسح ہے آپ (صلی اللہ علیہ وآلہ وسلم) کا آخری عمل ایک بار سر کا مسح کرنے کا رہا ہے ، چنانچہ سیدنا حضرت عثمان ذوالنورین (رض) کی جمیع روایات (تقریبا) ایک بار مسح کرنے پر صریح دلیل ہیں۔