Kanz al-Ummal: Hadith 26969

26969 ۔۔۔ ” ایضا “ عبد خیر روایت کی ہے کہ سیدنا حضرت علی المرتضی (رض) نے وضو کیا تین بار ہاتھ دھوئے تین بار کلی کی ، تین بار ناک میں پانی ڈالا تین بار چہرہ دھویا ، تین بار بازو و دھوئے ، تین بار سر کا مسح کیا اور تین بار پاؤں دھوئے پھر فرمایا جو شخص نبی کریم (صلی اللہ علیہ وآلہ وسلم) کا وضو دیکھنا چاہتا ہو تو وہ یہی وضو دیکھ لے ۔ (رواہ الدارمی والدارقطنی) دارقطنی کہتے ہیں۔ اسی طرح یہ حدیث ابو حنفیہ نے خالد بن علقمہ سے روایت کی ہے اور اس میں تین بار مسح کرنے کا ذکر ہے جبکہ حفاظ حدیث کی ایک بڑی جماعت نے اس کی مخالفت کی ہے اس میں سے کچھ (محدثین حفاظ) یہ ہیں زائدہ بن قدامہ ، سفیان ثوری ، شعبہ ، ابو عوانہ ، شریک ، ابو اشھب ، جعفر بن حارث، ہارون بن سعد، جعفر بن محمد ، حجاج بن ارطات ابان بن تغلب علی بن صالح بن حی حازم بن ابراہیم حسن بن صالح ، جعفر احمر ، ان حضرات محدثین نے یہ حدیث خالد بن علقمہ سے روایت کی ہے اور اس میں ایک بار مسح کرنے کا ذکر ہے ہم نہیں جانتے کہ کسی نے اس حدیث میں تین بار مسح کرنے کا ذکر کیا ہو سوائے ابوحنیفہ کے انتھی۔