Kanz al-Ummal: Hadith 27165

27165 ۔۔۔ جابر (رض) کی روایت ہے کہ ایک دن ہم رسول مقبول (صلی اللہ علیہ وآلہ وسلم) کے پاس بیٹھے ہوئے تھے اتنے میں انصار کی ایک عورت کے پاس سے ایک قاصد آیا اور کہنے لگا : فلاں عورت آپ کو بلا رہی ہے نبی کریم (صلی اللہ علیہ وآلہ وسلم) اٹھ کھڑے ہوئے اور ہم بھی آپ کے ساتھ ہو لیے۔ حتی کہ جب ہم مطلوبہ مقام پر پہنچے تو کھجوروں کے باغ میں ہمارے لیے دسترخوان لگا دیا گیا اور اس عورت نے بھونی ہوئی بکری لائی یہ وقت ظہر سے قدرے پہلے کا تھا رسول اللہ (صلی اللہ علیہ وآلہ وسلم) نے گوشت تناول فرمایا ہم نے بھی گوشت کھایا پھر رسول اللہ (صلی اللہ علیہ وآلہ وسلم) اٹھے وضو کیا اور ظہر کی نماز پڑھی اس عورت نے پھر پیغام بھیجا اور عرض کیا : یا رسول اللہ ! بکری کا باقی بچا ہوا گوشت نہ بھیجوں ؟ فرمایا : جی ہاں ضرور بھیجو گوشت لایا گیا آپ نے تناول فرمایا : ہم نے بھی آپ کے ساتھ کھایا پھر آپ نماز کے لیے اٹھ کھڑے ہوئے اور وضو نہیں کیا ۔ (رواہ سعید بن المنصور)