Kanz al-Ummal: Hadith 27532

27532 ۔۔۔ انصار کے ایک آزاد کردہ غلام اپنی دادی سے روایت نقل کرتے ہیں وہ کہتی ہیں کہ انھوں نے اپنی آزاد کردہ باندی کو جشیش (گندم ، کھجوروں اور گوشت سے تیار کیا ہوا کھانا) ہدیۃ دے کر حضرت عائشۃ صدیقہ (رض) کے پاسب بھیجا جب باندی ہدیہ لے کر حاضر ہوئی تو آگے ـحضرت عائشۃ صدیقہ (رض) نماز پڑھا رہی تھیں باندی نے کھانا نیچے رکھ دیا اتنے میں بلی آئی اور کھانے میں سے کھا کر چلی گئی ۔ حضرت عائشۃ صدیقہ (رض) کے پاس عورتیں جمع تھیں جب آپ (رض) نماز سے فارغ ہوئیں تو عورتوں کو دیکھا کہ جہاں سے بلی نے کھانا کھایا تھا وہاں سے کھانا نہیں نکال رہی ہیں چنانچہ حضرت عائشۃ صدیقہ (رض) نے وہیں ہاتھ رکھا جہاں سے بلی نے کھانا کھایا تھا ، اور فرمایا : بلی نجس نہیں ہے۔ (رواہ عبدالرزاق)