Kanz al-Ummal: Hadith 28520

28520 ۔۔۔ حضرت عمر (رض) سے روایت ہے کہ وہ خود اور حضرت ابوبکر (رض) کے پاس حاضر ہوئے اور آپ کو سخت بخار تھا سو آپ نے انھیں کوئی جواب نہیں دیا اور یہ دونوں صاحب چلے گئے نبی کریم (صلی اللہ علیہ وآلہ وسلم) نے ان کے پیچھے ایک قاصد بھیجا (یہ حاضر ہوئے ) نبی کریم (صلی اللہ علیہ وآلہ وسلم) نے ارشاد فرمایا کہ تم دونوں میرے پاس آئے اور جب میرے پاس سے گئے تو دو فرشتے اترے ان میں سے ایک میرے سرہانے بیٹھ گیا اور ایک میرے پاؤں کے پاس پھر جو میرے پاؤں کے پاس بیٹھا تھا بولا : ان کو کیا ہے ؟ پس سرہانے بیٹھے ہوئے فرشتہ نے جواب دیا کہ سخت بخار ! پانتی والے نے کہا ان کو تعویذ کر (یعنی آپ پر کلمات تعوذ پڑھ ) پس وہ گویا ہوا : بسم اللہ ارقیک واللہ یشفیک من کل داء یوذیک ومن کل نفس حاسدۃ وطرفۃ عین واللہ یشفیک خذھا فلتھنک : (اس کو لے مبارک ہو یہ تجھے ) پس اس فرشتہ نے نہ دم کیا نہ پھونکا اور میری تکلیف جاتی رہی ۔ میں نے تمہیں بلوایا تاکہ تمہیں خبر کروں ۔ (ابن السنی فی عمل الیوم والیلۃ طبرانی ) حافظ ابن حجر نے اپنی امالی میں کہا کہ اس کی سند میں ضعیف ہے۔