Kanz al-Ummal: Hadith 293

٢٩٣۔۔ جب قیامت کے دن ہوگا، اللہ ایک میدان میں تمام مخلوقات کو جمع فرمائیں گے پھر ہر قوم کے معبودان باطلہ کو اٹھائیں گے جن کی وہ پرستش کیا کرتے تھے اور وہ معبودان باطلہ اپنے پجاریوں کو جہنم کی طرف ہانک کرلے جائیں گے پیچھے صرف توحید پرست لوگ بچ جائیں گے ان سے استفسار کیا جائے گا، کہ تم کس کے منتظر ہو وہ کہیں گے ہم اپنے اس رب کے منتظر ہیں جس کی ہم غائبانہ پرستش کیا کرتے تھے ان سے کہا جائے کیا تم اس کو پہچانتے ہو وہ جواب دیں گے اگر ہمارا رب چاہے گا تو ہم اس کو ضرور پہچان لیں گے اس وقت اللہ ان پر اپنی تجلی ظاہر فرمائیں گے اور وہ تمام لوگ سجدہ ریز ہوجائیں گے پھر اس عالم میں ان کو خوش خبری سنائی جائے گی اے اہل توحید اپنے سروں کو اٹھاؤں پس اللہ نے تمہارے لیے جنت واجب فرمادی ہے اور تم میں سے ہر ایک کی جگہ جہنم میں کسی یہودی یا نصرانی کو بھیج دیا گیا ہے۔ الحلیہ۔ بروایت ابی موسیٰ۔