Kanz al-Ummal: Hadith 29374

29374 ۔۔۔ زر کی روایت ہے کہ میں حضرت صفوان بن عسال مرادی (رض) کے پاس آیا انھوں نے کہا : کیوں آئے ہو ؟ میں نے عرض کیا : علم کی غرض سے آیا ہوں فرمایا فرشتے طالب علم کے پاؤں تلے پر بچھاتے ہیں۔ چونکہ وہ اس کی طالبعلمی سے راضی ہوتے ہیں ، جب ہم سفر میں ہوتے نبی کریم (صلی اللہ علیہ وآلہ وسلم) ہمیں حکم دیتے کہ ہم تین دن اور تین راتیں موزے نہ اتاریں الا یہ کہ جنابت ہوجائے تو اتار دیں اور بول وبراز اور نیند کی صورت میں نہ اتاریں ۔ (رواہ عبدالزراق و سعید بن المنصور وابن ابی شیبۃ)