Kanz al-Ummal: Hadith 29384

29384 ۔۔۔ ” مسند علی (رض) “ دیلمی اپنے والد سے ابو الحسن میدانی الحافظ ، ابو عبداللہ حسین بن محمد بن اون ضبی کی امالی سے ابو اسحاق ابراھیم بن محمد نیشا پوری ابو زکریا ، یحییٰ بن محمود بن عبداللہ بن اسد ، علی بن حسن افطس ، عیسیٰ بن موسیٰ عمر بن صبیح ، کثیر بن زیاد، حسن حضرت انس بن مالک (رض) کہتے ہیں میں نے انصار و مہاجرین کے بہت سارے لوگوں کو کہتے سنا ہے ان میں ایک حضرت علی بن طالب (رض) بھی ہیں۔ ان سب نے کہا : کہ نبی کریم (صلی اللہ علیہ وآلہ وسلم) نے فرمایا : جو شخص اللہ تعالیٰ کی رضا کے لیے علم حاصل کرتا ہے وہ علم کا جو باب بھی حاصل کرتا ہے اپنی نظروں میں حقیر ہوجاتا ہے اور لوگوں کے سامنے تواضع کرتا ہے اللہ تعالیٰ کا خوف اس میں بڑھ جاتا ہے ، دین میں خوب کوشش کرتا ہے۔ یہی وہ شخص ہے جو علم سے نفع اٹھاتا ہے جو شخص دنیا طلبی کے لیے علم حاصل کرتا ہے اور لوگوں کے سامنے اپنا مرتبہ اور مقام بڑھانے اور بادشاہ کی نظروں میں مقبول بننے کے لیے علم حاصل کرتا ہے اور علم کا جو باب بھی حاصل کرتا ہے وہ اپنی نظروں میں عظیم بن جاتا ہے جب کہ لوگوں کی نظروں میں وہ حقیر ہوتا ہے اللہ تعالیٰ کو دھوکا دیتا ہے دین میں سر کی کرتا ہے یہ شخص اپنے علم سے کسی طرح نفع نہیں اٹھا پاتا ، یہ شخص اپنے آپ پر حجت قائم کرلیتا ہے انجام کار قیامت کے دن اسے رسوائی اور ندامت اٹھانی پڑے گی ۔۔ کلام : ۔۔۔ اس حدیث کی مسند میں تصریح کردی گئی ہے کہ حسن بصری حضرت انس بن مالک (رض) نے سیدنا حضرت علی المرتضی (رض) سے سماع کیا ہے یہ ایک لطیفہ ہے۔ اگر اس میں عمر بن صبیح نہ ہوتا ، یہی حدیث ابن جوزی نے موضوعات میں روایت کی ہے اور اس میں سماع کی تصریح نہیں ہے (نیز دیکھئے التنزیۃ 2561 الفوائد المجموعۃ 856)