Kanz al-Ummal: Hadith 29474

29474 ۔۔۔ زہری عروہ سے روایت نقل کرتے ہیں کہ سیدنا حضرت عمر بن خطاب (رض) نے سنن لکھنے کا ارادہ کیا پھر صحابہ کرام رضوان اللہ تعالیٰ عنہم اجمعین سے فتوی لیا صحابہ کرام رضوان اللہ تعالیٰ عنہم اجمعین نے مشورہ دیا کہ آپ لکھیں تاہم عمر (رض) اسی شش وپنج میں پڑے اور استخارہ کرتے رہے ، چنانچہ ایک ماہ بعد ایک دن صبح کو اٹھے اللہ تعالیٰ نے ان کے دل میں پختہ بات ڈال دی اور فرمایا : میں نے سنن کو لکھنا چاہا مجھے ایک قوم یاد آئی جو تم سے پہلے ہوئی ہے انھوں نے ایک کتاب لکھی پھر اسی کتاب پر جھکے رہ گئے اور انھوں نے کتاب اللہ کو بالکل چھوڑ دیا بخدا میں کتاب اللہ کے ساتھ کسی چیز کو خلط نہیں کروں گا ۔ (رواہ ابن عبدالبر فی العلم)