Kanz al-Ummal: Hadith 29554

29554 ۔۔۔ شعبی کی روایت ہے کہ حضرت ابو موسیٰ (رض) نے سیدنا حضرت عمر بن خطاب (رض) کو خط لکھا کہ آپ کے خطوط ہمارے پاس آتے ہیں اور ان پر تاریخ نہیں درج ہوتی لہٰذا آپ تاریخ درج کیا کریں سیدنا حضرت عمر بن خطاب (رض) نے اس بارے میں مشورہ لیا ، بعض حضرات نے مشورہ دیا کہ آپ بعثت نبوی کو بنیاد بنا کر تاریخ کا اجراء کریں بعض نے نے آپ (صلی اللہ علیہ وآلہ وسلم) کی وفات کا مشورہ دیا سیدنا حضرت عمر بن خطاب (رض) نے کہا : نہیں بلکہ ہم آپ (صلی اللہ علیہ وآلہ وسلم) کی ہجرت کو بنیاد بنا کر تاریخ کا اجراء کریں گے چونکہ آپ (صلی اللہ علیہ وآلہ وسلم) کی ہجرت حق و باطل کے درمیان فرق ہے۔ (رواہ ابن عساکر)