Kanz al-Ummal: Hadith 29965

29965 ۔۔۔ ” مسند حسین بن السائب انصاری “ حسین بن سائب کی روایت ہے کہ جب عقبہ کی رات ہوئی یا بدر کی رات ہوئی رسول اللہ (صلی اللہ علیہ وآلہ وسلم) نے اپنے ساتھیوں سے فرمایا : تم کیسے لڑائی کرو گے عاصم بن ثابت بن افلح کھڑے ہوئے اور تیر کمان لے کر کہا : یا رسول اللہ (صلی اللہ علیہ وآلہ وسلم) ! جب دشمن دو سو ذراع کے فاصلے پر ہوگا تو ان پر تیروں کی بارش کروں گا جب دشمن اتنا قریب ہوگا کہ پتھر ان پر آسانی سے برسائے جاسکتے ہوں تو ان پر پتھر برسائے جائیں گے جب دشمن اور زیادہ قریب ہوجائے گا تو نیزوں سے اس کی خبر لی جائے گی حتی کہ ان کی کمر ٹوٹ جائے پھر ہم تلواریں لے لیں گے اور تلواروں سے ان کو ناکوں چنے چبوائیں گے ۔ نبی کریم (صلی اللہ علیہ وآلہ وسلم) نے فرمایا : جنگ کا حکم اسی طرح نازل ہوا ہے جو شخص بھی جنگ میں حصہ لے وہ عاصم کی طرح لڑے ۔ (رواہ الحسن بن سفیان وابو نعیم)