Kanz al-Ummal: Hadith 30131

30131 ۔۔۔ حضرت عبداللہ بن عباس (رض) روایت کی ہے کہ نبی کریم (صلی اللہ علیہ وآلہ وسلم) نے خیبر کے یہودیوں کو خط لکھا جس کا مضمون یہ تھا : ”’ بسم اللہ الرحمن الرحیم محمد رسول اللہ (صلی اللہ علیہ وآلہ وسلم) جو کہ موسیٰ (علیہ السلام) کا ساتھی اور ان کا بھائی ہے اور ان کی تعلیمات کی تصدیق کرنے والا ہے کی طرف سے خبردار اللہ تعالیٰ نے تم سے کہا ہے : اے یہود کی جماعت اور اہل توراۃ بلاشبہ تم اسے اپنی کتاب میں پاتے ہو ” محمد رسول اللہ والذین معہ اشداء علی الکفار “۔ محمد اللہ کے رسول ہیں اور جو لوگ ان کے ساتھ میں وہ کفاروں کے خلاف بہت سخت ہیں الایۃ۔ میں تمہیں اللہ کا واسطہ دیتا ہوں اور اس کتاب کا واسطہ دیتا ہوں جو تمہارے اوپر نازل کی گئی ہے تمہیں اس ذات کا واسطہ دیتا ہوں جس نے قبل ازیں پہلے لوگوں کو من اور سلوی عطا کیا اور جس نے تمہارے آباء کے لیے دریا کو خشک کیا حتی کہ تمہیں فرعون سے نجات دی اس کے عمل سے نجات دی مگر یہ کہ تم مجھے خبر دو کہ کیا تم اپنی کتابوں میں پاتے ہو کہ تم محمد پر ایمان لاؤل گے رشد و ہدایت گمراہی سے ممتاز ہے میں تمہیں اللہ تعالیٰ اور اس کے رسول کی طرف دعوت دیتا ہوں ۔ (رواہ ابن اسحاق وابو نعیم)