Kanz al-Ummal: Hadith 3016

3016: اللہ تبارک و تعالیٰ قیامت کے روز فرمائیں گے : اے آدم ! اٹھ اور اپنی اولاد میں سے (ہزار میں سے) نوسوننانے جہنم کے لیے اور ایک جنت کے لیے نکال۔ حضور (صلی اللہ علیہ وآلہ وسلم) کے اس ارشاد کو سن کر صحابہ کرام (رض) بہت رنجیدہ خاطر ہوئے اور رونے لگے تو آپ (صلی اللہ علیہ وآلہ وسلم) نے فرمایا اپنے سر اٹھاؤ قسم ہے اس ذات کی جس کے ہاتھ میں میری جان ہے ! میری امت دیگر امتوں کے مقابلہ میں یوں ہے جیسے سیاہ بیل کے جسم میں سفید بال۔ الطبرانی فی الکبیر بروایت ابو الدرداء (رض) ۔
فائدہ : ان دونوں حدیثوں میں امت محمدیہ کی نسبت سفید بال کی بتائی گئی ہے۔ یہاں تمام اقوام کے تمام لوگوں جن و انس اور یاجوج ماجوج کے مقابلہ میں یہ نسبت ملحوظ ہے۔ اس سے سابقہ تشریح مزید واضح ہوجاتی ہے۔