Kanz al-Ummal: Hadith 30168

30168 ۔۔۔ ” مسند سہل بن سعد ساعدی “ حضرت سہیل بن عمرو (رض) روایت کی ہے کہ جب نبی کریم (صلی اللہ علیہ وآلہ وسلم) مکہ میں داخل ہوئے اور اہل مکہ پر غلبہ حاصل ہوا تو میں اپنے گھر میں گھسا اور دروازہ بند کردیا پھر میں نے اپنا بیٹا عبداللہ بھیجا کہ محمد (صلی اللہ علیہ وآلہ وسلم) سے میرے لیے امن کی درخواست کرے چونکہ مجھے ڈر ہے کہ میں قتل کردیا جاؤں گا عبداللہ بن سہیل نبی کریم (صلی اللہ علیہ وآلہ وسلم) کی خدمت میں حاضر ہوئے اور عرض کیا : یا رسول اللہ ! آپ میرے باپ کو امن دیتے ہیں ؟ آپ نے فرمایا : جی ہاں اسے اللہ تعالیٰ کا امان ہے لہٰذا وہ سامنے آجائے پھر آپ نے اپنے پاس موجود صحابہ کرام رضوان اللہ تعالیٰ عنہم اجمعین سے فرمایا : تم میں سے جس شخص کو بھی سہیل ملے اس کی طرف سخت نظروں سے نہ دیکھے سہیل کو اب باہر آجانا چاہیے چونکہ سہیل صاحب عقل اور صاحب شرف انسان سے سہیل جیسا شخص اسلام سے غافل نہیں رہ سکتا وہ سمجھتا ہے کہ جہالت اس کے نفع میں نہیں ہے۔ عبداللہ (رض) نے جا کر اپنے والد کو خبر کی سہیل نے کہا بخدا ! محمد جب چھوٹا تھا اس وقت بھی احسان کرتا رہا اور آج جب بڑا ہوا ہے تب بھی احسان کررہا ہے پھر سہیل آپ کے پاس آتے جاتے رہے پھر نبی کریم (صلی اللہ علیہ وآلہ وسلم) کے ساتھ غزوہ حنین میں شریک رہے اور بالآخر جعرانہ کے مقام پر دولت اسلام سے سرفراز ہوئے اس دن نبی کریم (صلی اللہ علیہ وآلہ وسلم) نے حنین کے مال غنیمت سے سو (100) اونٹ سہیل کو دیئے ۔ (رواہ الواقدی وابن سعد وابن عساکر)