Kanz al-Ummal: Hadith 3027

3027: سورة الاحزاب۔
یہ ایک پوشیدہ بات تھی اگر تم اس کے بارے میں سوال نہ کرتے تو میں تم کو نہ بتاتا، اللہ عزوجل نے دو فرشتے مجھ پر مقرر فرمائے ہیں۔ کسی بھی مسلمان بندے کے پاس میرا ذکر کیا جاتا ہے اور وہ بندہ مسلمان مجھ پر درود پڑھتا ہے تو وہ فرشتے اس سے کہتے ہیں : اللہ تیری مغفرت کرے اور اللہ اور دوسرے فرشتے ان دو فرشتوں کو کہتے ہیں : آمین۔
الطبرانی فی الکبیر بروایت حکم بن عبداللہ بن خطاف عدام انیس بنت الحسین بن علی عن ابیہ۔
فائدہ : فرمان الہی ہے :
ان اللہ وملائکتہ یصلون علی النبی۔ الاحزاب : 65
اس آیت کے متعلق صحابہ کرام نے آپ (صلی اللہ علیہ وآلہ وسلم) سے سوال کیا تھا۔ جس کے بارے میں آپ (صلی اللہ علیہ وآلہ وسلم) نے مذکورہ جواب ارشاد فرمایا۔