Kanz al-Ummal: Hadith 30274

30274 ۔۔۔ ” حضرت حذیفہ (رض) کی روایت ہے کہ نبی کریم (صلی اللہ علیہ وآلہ وسلم) نے دومۃ الجندل کی طرف ایک سریہ روانہ کیا اور فرمایا : تم لوگ اکیدر کو بستی سے باہر شکار کرتا دیکھو گے چنانچہ سریہ مہم سر کرنے چل پڑا اور اکیدر کو اسی حال میں پایا جیسا کہ رسول اللہ (صلی اللہ علیہ وآلہ وسلم) نے فرمایا تھا : مسلمان اکیدر کو پکڑ لائے اور مدینہ میں مسلمانوں کے پاس آوارد ہوئے مسلمانوں میں سے ایک شخص نے اکیدر سے کہا : میں تجھے اللہ کا واسطہ دیتا ہوں بتاؤ کیا تم اپنی کتابوں میں محمد (صلی اللہ علیہ وآلہ وسلم) کا ذکر پاتے ہو ؟ وہ وبولا ! نہیں جبکہ اس کے پہلو میں ایک شخص کھڑا تھا وہ بولا : ہم اپنی کتاب میں محمد کا ذکر پاتے ہیں۔ اسی شخص نے ابوبکر (رض) سے کہا : اے ابوبکر (رض) کیا ان لوگوں نے ابھی ابھی کفر نہیں کردیا فرمایا جی ہاں پس تم خاموش رہو تم بھی عنقریب کفر پر اتر آؤ گے چنانچہ وہ شخص خاموش ہو کر گھر میں داخل ہوگیا چنانچہ مسیلمہ کذاب نے نبوت کا دعوی کردیا ایک شخص نے کہا : میں نے تجھے دومتہ الجندل میں کہتے سنا ہے کہ تم عنقریب کفر پر اتر آؤ گے اور یہ مسیلمہ کا خروج ہے کہا : نہیں البتہ وہ آخر زمانہ میں ہوگا ۔ (رواہ ابن مندہ والحاملی فی امالیہ وابو نعیم فی المعرفۃ وابن عساکر)