Kanz al-Ummal: Hadith 305

٣٠٥۔۔ اسلام لے آ، سلامتی پاجائے گا، دریافت کیا گیا اسلام کیا ہے ؟ فرمایا۔۔۔ اسلام یہ ہے کہ تیرا دل اسلام لے آئے اور مسلمان تیری زبان اور ہاتھ کی ایذا سے محفوظ رہیں ، اور آپ سے پوچھا گیا کون اسلام افضل ہے آپ نے فرمایا ایمان دریافت کیا گیا ایمان کیا چیز ہے فرمایا ایمان یہ ہے کہ تم اللہ اور اس کے فرشتوں اور اس کی کتابوں اور اس کے رسولوں اور موت کے بعد دوبارہ اٹھائے جانے پر ایمان لاؤ دریافت کیا گیا کون سا ایمان افضل ہے ؟ فرمایا ہجرت ۔ دریافت کیا گیا، ہجرت کیا ہے ؟ فرمایا تم گناہوں کو چھوڑ دو ، دریافت کیا گیا کون سی ہجرت افضل ہے ، فرمایا جہاد، دریافت کیا گیا جہاد کیا ہے ؟ فرمایا جہاد یہ ہے کہ جب کفار سے تمہارا مقابلہ ہو تو تم ان سے قتال کرو اور مال غنیمت میں خیانت نہ کرو، اور بزدلی نہ دکھاؤ، پھر ان کے بعد دوعمل سب سے افضل ہیں۔ الایہ کہ کوئی انہی جیساعمل کرے گناہوں سے مبراحج یاعمرہ، شعب الایمان، بروایت ابی قلابہ عن رجل من اھل شام عن ابیہ۔