Kanz al-Ummal: Hadith 30970

30959 ۔۔۔ فرمایا میری امت میں ایک جماعت نکلے گی قرآن توپڑھے گی لیکن ان کی قراٴت تمہاری قرأت کی طرح نہیں ہوگی نہ تمہاری نمازی کی نماز کی طرح ہوگی نہ ہی تمہارے روزے ان کے روزے کی طرح ہوں گے وہ قرآن کی تلاوت کریں گے ان کا گمان ہوگا کہ اس میں ان کے لیے اجر وثواب ہے حالانکہ وہ تلاوت ان پر وبال ہے ان کی نمازیں ان کے سینے تک نہیں اتریں گی وہ دین اسلام سے ایسے صاف ہو کر نکل جائیں گے جس طرح تیر کمان سے اگر لشکر اسلام کو معلوم ہوجاتا ان کے لیے نبی (صلی اللہ علیہ وآلہ وسلم) کی زبانی اجر وثواب کی کیا بشارت ہے توبقیہ اعمال کو چھوڑ کر بیٹھ جائے اس جماعت کی علامت یہ ہے کہ ان میں ایک شخص ہوگا اس کا بازوہوگا لیکن کلائی نہ ہوگی اور اس کے بازو کے سرے پر تھن کی طرح ابھرا ہوا گوشت ہوگا اس پر چند سفید بال ہوں گے۔ مسلم ابوداؤد بروایت علی (رض)