Kanz al-Ummal: Hadith 31367

31356 ۔۔۔ (مسند الحکم بن عمر والغفار ی) ابن جریج کہتے ہیں کہ مجھے کئی آدمیوں نے یہ بات بتائی کہ ایک دفعہ ابوہریرہ (رض) کہ سامنے کسی آدمی نے کہا لوگ کہتے ہیں کہ وہ حکم الغفاری کہتے تھے کہ اے کاش کہ میں اس طاعون میں مرجاؤں ! ابوہریرہ (رض) نے فرمایا کہ کیا تو نے سنا نہیں کہ رسول اللہ (صلی اللہ علیہ وآلہ وسلم) موت کی تمنا اور دعا سے منع فرمایا ہے ؟ اس لیے معلوم نہیں کہ ومت کس حالت میں آئے انھوں نے فرمایا کہ کیوں نہیں سنا لیکن میں نے آپ (صلی اللہ علیہ وآلہ وسلم) کو چھ چیزوں کا ذکر کرتے سنا ہے مجھے اندیشہ ہے کہ میں ان میں سے کسی سے دوچار نہ ہوجاؤں ابوہریرة نے پوچھا کہ وہ چھ چیزیں کیا ہیں فرمایا (ٕ1) علم کا بیچنا ۔ (2) خون کو بےدریغ بہانا (3) بیوقوفوں کا حکمران بن جانا (4) کمینہ لوگوں کی کثرت ہوگی (5) قطع رحمی عام ہوجانا (6) اور ایسے لوگوں کا ظہور کہ جو قرآن کو پانسریاں بناکر اس سے نغمہ سازی کریں گے ۔ نفس عبدالرزاق