Kanz al-Ummal: Hadith 3276

3276: سبحان اللہ ! تم اس کی طاقت نہیں رکھتے اور نہ اس کی سہار رکھتے ہو تم نے یوں کیوں نہیں کہا :
ربنا اتنا فی الدنیا حسنۃ و فی الاخرۃ حسنۃ وقنا عذاب النار۔ (مصنف ابن ابی شیبہ، مسند احمد، الادب المفرد، مسلم، ترمذی، نسائی، ابی یعلی ، ابن حبان، شعب الایمان للبیہقی بروایت انس (رض)۔
فائدہ : ایک شخص انتہائی بیمار ہوگیا حتی کہ چوزے کی طرح کمزور نکل آیا۔ نبی کریم (صلی اللہ علیہ وآلہ وسلم) اس کی عیادت کو گئے۔ اور پوچھا تم کیا مانگتے تھے ؟ کیا سوال کرتے تھے ؟ کیا اپنے رب سے عافیت نہیں مانگتے تھے ؟ اس شخص نے عرض کیا : میں اللہ سے یہ مانگتا تھا کہ اے اللہ تو مجھے آخرت میں جو سزا دینا چاہتا ہے وہ دنیا ہی میں دے دے۔ تب نبی کریم (صلی اللہ علیہ وآلہ وسلم) نے مذکورہ بالا فرمان ارشاد فرمایا۔