Kanz al-Ummal: Hadith 33797

33788 ۔۔۔ رسول اللہ (صلی اللہ علیہ وآلہ وسلم) نے فرمایا : پہلے پہلے ہجرت کرنے والے وہی ہیں آگے بڑھنے والے سفارش کرنے والے اپنے رب پر محبت کا بھروسہ کرنے والے قیامت کے دن اس طرح آئیں گے کہ ان کی گردنوں پر ہتھیار ہوں گے جنت کا دروازہ کھٹکھٹائیں گے پھر ان سے جنت کے خازن کہیں گے تم کون ہو ؟ وہ کہیں گے ہم مہاجرین ہیں پھر ان سے کہا جائے گا کیا تمہارا حساب ہوگیا ؟ پھر وہ اپنے گھٹنوں کے بل گرجائیں گے اور اپنے ترکش اتار دیں گے اور اپنے ہاتھ آسمانوں کی طرف اٹھائیں گے پھر کہیں گے اے رب ہمارا کس چیز کا حساب لیا جائے گا ؟ کیا اس کے ساتھ ہمارا حساب لیا جائے گا ؟ ہم نکلے ہم نے مال اہل اور اولاد کو چھوڑ دیا پھر اللہ تعالیٰ ان کو زبر بد اور یاقوت جڑے سونے کے پر لگادیں گے پس وہ جنت کی طرف اڑجائیں گے ان کے لیے جنت میں ٹھکانے ہوں گے جنہیں وہ دنیا میں اپنے ٹھکانوں سے زیادہ جانتے ہوں گے۔ (حلیتہ الاولیاء تاریخ ابن عساکر انھوں نے کہا کہ یہ غریب ہے) ۔ (ابن مردویہ بروایت صھیب)