Kanz al-Ummal: Hadith 33881

33872 ۔۔۔ رسول اللہ (صلی اللہ علیہ وآلہ وسلم) نے فرمایا : اے لوگو ! قریش سے محبت کرو اس لیے کہ جس نے قریش سے محبت کی اس نے مجھ سے محبت کی اور جس نے قریش سے بغض رکھا تحقیق اس نے مجھ سے بغض رکھا اور بیشک اللہ تعالیٰ نے میری قوم کو میری طرف محبوب بنایا میں ان کے لیے سزا میں جلدی نہیں کروں گا اور نہ ہی ان کے لیے نعمت زیادہ چاہوں گا اے اللہ ! بیشک آپ نے قریش کے اول کو سزا چکھائی پس ان کے آخر کو انعام عطا فرما خبردار بیشک اللہ تعالیٰ جو کچھ میرے دل میں میری قوم کی محبت ہے اس کو جانتے ہیں سو اللہ تعالیٰ نے مجھ ان کے بارے میں خوش کردیا اللہ تعالیٰ فرماتے ہیں وانہ لذکر ولقومک وسوف تسئلون اور یقیناً یہ آیات وظیفہ تیرا اور تیری قوم کا اور عنقریب تم سے سوال ہوگا اللہ تبارک وتعالیٰ نے ذکر اور شرافت میری قوم کے لیے اپنی کتاب میں بنایا پھر فرمایا وانذر عیشرتک الاقربین واخفض جناحک لمن اتبعک من المومنین اور ڈرا تو اپنے قریبی رشتہ دار کو اور ان لوگوں سے فروتنی سے پیش آجو مسلمانوں میں داخل ہو کر تیرے پیچھے چلیں ۔ سو تمام تعریفیں اس اللہ تعالیٰ کے لیے جس نے صدیق کو میری قوم میں بنایا شہید کو میری قوم بنایا اور اماموں کو میری قوم میں بنایا۔ اللہ تعالیٰ نے بندوں کو الٹ پلٹ کر دیکھا تو عرب میں سے بہترین جماعت قریش تھی اور وہ یہ مبارک درخت ہے جس کے بارے میں اللہ تعالیٰ نے اپنی کتاب میں فرمایا ” مثل کلمة طیبة کشجرة طیبة (اس کی مثال ایک پاکیزہ کلمہ کے ہے جو مثل ایک پاکیزہ درخت کے ہے اللہ تعالیٰ نے اس درخت سے قریش کو مراد لیا اصلھا ثابت فرماتے ہیں ان کی جڑیں مضبوط ہیں (اور اس کی شاخیں آسمانوں میں ہیں) وفر عھا فی السماء فرماتے ہیں وہ شرافت جو اللہ تعالیٰ نے ان کو اس سلام کے ذریعے دی ہے جس کے ذریعے انھیں ہدایت دی اور انھیں اس اسلام کا اہل بنایا پھر ان کے بارے میں اللہ تعالیٰ کی کتاب کی ایک محکم سورة اتاری۔ لایلف قریش سورة کے آخر تک ۔ ( طبرانی ابن مردویہ بروایت عدی بن حاتم)