Kanz al-Ummal: Hadith 34557

34548 ۔۔۔ رسول اللہ (صلی اللہ علیہ وآلہ وسلم) نے فرمایا : امتوں میں سے ایک امت کی مثال چند مزدوروں کی مثال کی طرح بیان کی گئی جنہیں ایک شخص نے اجرت پر لیا کہ وہ اس کے لیے پورا ایک دن کام کریں گے اور ان کے لیے ایک ایک قیراط متعین کیا تو انھوں نے کام کیا یہاں تک کہ جب نصف النھار ہوا تو وہ تھک گئے پس انھوں نے آدمی سے کہا کہ ہمارا حساب کریں تو اس نے ان کا حساب کیا تو ان کے لیے آدھا آدھا قیراط اور چند رتی بناتو اس شخص نے کہا : میرے لیے کون رات تک میرا کام ایک ایک قیراط پر پورا کرے گا ؟ تو اس شخص سے دوسرے لوگوں نے معاملہ کرلیا پھر انھوں نے کام کیا یہاں تک کہ جب عصر کی نماز کے قریب وقت ہوگیا تو وہ تھک گئے تو انھوں نے کہا : ہمارا حساب کریں تو اس نے ان کا حساب کیا تو ان کے لیے آدھا آدھا قیراط بنا اور آدمی نے یہ چاہا کہ اس کام کو رات سے پہلے پورا کردیا جائے تو اس نے ایک قوم کو اس بات پر اجرت پر لیا کہ وہ رات تک اس کا بقایا کام دودوقیراط پر پورا کریں میں امید رکھتا ہوں کہ ان شاء اللہ تم دو دو قیراط والے ہوجاؤ۔ (طبرانی بروایت حبیب بن سلیمان بن سمرة عن ابیہ عن جدہ)