Kanz al-Ummal: Hadith 35018

35009 ۔۔۔ رسول اللہ (صلی اللہ علیہ وآلہ وسلم) نے فرمایا : جو شخص حج یا عمرہ کرتے ہوئے حرمین کے درمیان مرگیا تو اللہ عزوجل اس کو قیامت کے دن اس طرح اٹھائیں گے کہ نہ اس پر حساب ہوگا نہ عذاب ہوگا اور جس نے میری وفات کے بعد میری زیارت کی تو گویا اس نے میری زندگی میں میری زیارت کی اور جو میری وفات کے بعد میرا پڑوسی ہوا وہ ایسا ہے کہ گویا وہ میری زندگی میں میرا پڑوسی ہوا اور جو مکہ میں مراتو گویا وہ دنیاوی آسمان میں مرا اور جس نے زمزم کا پانی پیا توزمزم کا پانی اس کے لیے وہی فائدے دے گا جس کے لیئے پیا گیا اور جس نے حجرا سود کا بوسہ دیا اور اس کا استلام کیا تو وہ اس کے لیے قیامت کے دن پوری پوری گواہی دے گا اور جس نے بیت اللہ کے اردگرد سات چکرلگائے تو اللہ تعالیٰ اس کو ہر چکرکے بدلے اولاد اسماعیل کے ایک غلام آزاد کرنے کا ثواب دیں گے اور جس نے صفامردہ کے درمیان دوڑ لگائی (سعی کی) تو اللہ تعالیٰ اس قدموں کو اس دن جمائے گا جس دن بہت سے قدم پھسل جائیں گے (دیلمی بروایت ابن عمر اور اس کی سنہ میں احمد بن صالح ہے جس کے بارے میں ابن حجر نے فرمایا کہ یہ مناکیر میں سے ہے)