Kanz al-Ummal: Hadith 35077

35068 ۔۔۔ رسول اللہ (صلی اللہ علیہ وآلہ وسلم) نے فرمایا : اللہ عزوجل نے داؤد (علیہ السلام) سے فرمایا : زمین میں میرے لیئے ایک گھر بناؤ تو داؤد (علیہ السلام) اپنا ایک گھر بنایا اس گھرے بنائے سے پہلے جس کا اللہ نے حکم دیا تھا، تو اللہ تعالیٰ نے ان کی طرف وحی بھیجی : اے داؤد میرے گھر سے پہلے آپ نے اپنا گھر بنایا ؟ انھوں نے عرض کیا : اے میرے رب ! اسی طرح آپ نے اس میں فرمایا جس میں آپ نے فیصلہ کیا کہ جو اختیار والا ہوا اس نے ترجیح دی ، پھر اللہ نے مسجد بنانے کا حکم دیا جب چاردیواری پوری ہوگئی تو اس کی دوتہائی گرگئی پھر انھوں نے اس کی اللہ تعالیٰ سے شکایت کی اللہ تعالیٰ نے ان کی طرف وحی کی کہ یہ درست نہیں کہ آپ میرا گھر بنائیں انھوں نے عرض کیا : اے میرے رب ! کیوں ؟ تو ( اللہ تعالیٰ نے) فرمایا اس لیے کہ آپ کے ہاتھ سے بہت خون ہوئے ہیں عرض کیا : اے میرے رب کیا یہ تیری محبت اور تیری خواہش میں نہیں ہوئے فرمایا : کیوں نہیں ! لیکن وہ میرے بندے ہیں میں ان پر رحم کرتا ہوں تو یہ بات داؤد (علیہ السلام ) پر گراں گذری پھر اللہ تعالیٰ نے ان کی طرف وحی کی کہ آپ غم گین نہ ہوں میں اس کی تعمیر میں شروع ہوگئے جب اس کی تعمیر پوری ہوگئی تو حضرت سلیمان (علیہ السلام ) نے کئی قربانیاں اللہ کے حضور پیش کیں اور کئی جانور ذبح کئے اور نبی اسرائیل کو جمع کیا تو اللہ تعالیٰ نے ان کی طرف وحی بھیجی میں اپنے گھر کی تعمیر پر آپ کی خوشی دیکھ رہاہوں آپ مجھ سے مانگیں ! میں عطاء کروں گا تو انھوں نے عرض کیا : میں آپ سے تین چیزیں مانگتا ہوں فیصلہ جو آپ کے فیصلہ کے موافق ہو اور ایسی بادشاہت جو میرے بعد کسی کے لیے نہ ہو اور جو اس گھر میں صرف نماز پڑھنے آئے تو وہ اپنے گناہوں سے اس طرح نکلے (کہ وہ ) اس دن کی طرح ہو جس دن اس کی ماں نے اس کو جنا تھا ( گناہوں سے پاک) دعائیں تو اللہ تعالیٰ نے ان کو دے دیں اور میں یہ امید رکھتاہوں کہ تیسری دعا بھی ان کو دی ہوگی۔ ( طبرانی بروایت ارفع بن عمیر)۔ کلام :۔۔۔ طبرانی نے اس کو کبیر میں ذکر کیا اس کی سند میں ایک راوی محمد بن ایوب بن سوید الرعی ہے جو وضع حدیث کے ساتھ متھم ہے۔