Kanz al-Ummal: Hadith 35177

35168 ۔۔۔ رسول اللہ (صلی اللہ علیہ وآلہ وسلم) نے فرمایا : رجب عظمت والا مہینہ ہے اللہ تعالیٰ اس میں نیکیاں دگنی کردیتے ہیں جو رجب کے ایک دن روزہ رکھے گا تو گویا اس نے ایک سال روزے رکھے ، اور جس نے اس کے سات دن روزے رکھے تو اس کے لیے جہنم کے سات دروازے بند کردیئے جائے اور جس نے آٹھ دن روزے رکھے تو اس کے لیے جنت کے آٹھ دروازے کھول دئیے جاتے ہیں۔ اور جس نے دن روزے رکھے تو اللہ سے جو کچھ مانگے اللہ اس کو عطاء فرمائیں گے اور جو اس کے پندرہ دن روزے رکھے گا تو آسمان سے پکارنے والا پکارے گا جو گذر گیا وہ تیرے لیے معاف کردیا گیا نئے سر سے عمل کر اور جو زیادہ کرے گا اللہ تعالیٰ بھی اس کو زیادہ عطا فرمائیں گے اور جب میں اللہ تعالیٰ نے نوح (علیہ السلام) کو کشتی میں اٹھایا تو انھوں نے روزہ رکھا اور اپنے ساتھ لوگوں کو حکم دیا کہ وہ روزہ رکھیں تو کشتی ان کو لے کر چلی چھ مہینے اور اس کا آخری دن عاشوراء کا دن تھا کشی کو جودی (پہاڑ) پر اتارا گیا پھر نوح (علیہ السلام) اور جو ان کے ساتھ اور وحش نے روزہ رکھا اللہ عزوجل کے شکر کے طور پر اور عاتوراء کے دن میں اللہ تعالیٰ نے نبی اسرائیل کے لیے سمندر میں راستے بنائے اور عاشوراء کے دن میں اللہ تعالیٰ نے آدم (علیہ السلام) اور یونس (علیہ السلام) کے شہر (والوں کی) تو یہ قبول فرمائی اور اس دن میں ابراہیم (علیہ السلام) پیدا ہوئے ۔ (طبرانی بروایت سعد اور اشد)