Kanz al-Ummal: Hadith 35699

35690 ۔۔۔ (مسندعلی (رض)) محمد بن عقیل سے روایت ہے کہ علی ابن ابی طالب نے ہمیں خطبہ دیا اس میں فرمایا اے لوگو مجھے بتاؤ تم سب سے بہادر کون ہے ؟ لوگوں نے بتایا آپ اے امیر المومنین میں تو جس سے بھی مقابلہ کرتا ہوں اس کے آدھا ہوتاہوں لیکن تم بتاؤ سب سے بہادر کون ہے ؟ لوگوں نے کہا ہمیں معلوم نہیں تو علی (رض) نے فرمایا ابوبکر ہیں غزوہ بدر کے دن ہم نے رسول اللہ (صلی اللہ علیہ وآلہ وسلم) کے لیے ایک چھپر بنایا ہم نے کہا آپ (صلی اللہ علیہ وآلہ وسلم) کے ساتھ کون ہوگا تاکہ کوئی مشرک آپ کی طرف نہ بڑھ سکے اللہ کی قسم ابوبکر (رض) سی آپ کے سب سے زیادہ قریب تھے رسول اللہ (صلی اللہ علیہ وآلہ وسلم) کے سر پر ننگی تلوار لے کر کھڑے رہے جب بھی کوئی آپ (صلی اللہ علیہ وآلہ وسلم) کی طرف بڑھتا ابوبکر (رض) اس طرف بڑھتے یہی لوگوں میں سب سے بہادر ہیں میں نے دیکھا کہ قریش رسول اللہ (صلی اللہ علیہ وآلہ وسلم) کو پکڑ لیتے کوئی مار تا کوئی منہ کے بل گراتا اور کہتے تم نے ہی تمام معبودوں کو ایک معبود قرار دیا اللہ کی قسم ابوبکر (رض) کے علاوہ کوئی بھی ان کی قریب نہ جاتاو کسی کو مارتے کسی کو دھکا دیتے اور کسی کو گراتے اور کہتے کہ تم ایسے شخص کو قتل کرنا چاہتے ہو جو کہتا ہے کہ میرا رب اللہ ہے پھر علی (رض) نے چادر اٹھا کر رونا شروع کیا یہاں تک داڑھی تر ہوگئی پھر فرمایا میں تمہیں اللہ کی قسم دے کر پوچھتا ہوں کہ مومن آل فرعون بہتر تھا ابوبکر (رض) قوم نے کوئی جواب نہیں دیا پوچھا کیا تم کوئی جواب نہیں دوگے پھر خود ہی فرمایا ابوبکر (رض) کی ایک گھڑی آل مومن کے مثل سے بہتر ہے وہ شخص تو ایمان کو چھپاتا تھا اور یہ ابوبکر اپنے ایمان کا اعلان کرتا ہے۔ (البزار)