Kanz al-Ummal: Hadith 35756

35747 ۔۔۔ عمر (رض) فرماتے ہیں چار مواقع پر رب تعالیٰ کی موافقت کی :۔ 1 ۔ میں نے کہا یارسول اللہ اگر آپ مقام کے پیچھے نماز کی جگہ مقرر فرمائیں اللہ تعالےٰ نے یہ آیت نازل فرمائی واتخذوا من مقام ابراہیم مصلی۔ 2 ۔ میں نے کہا یا رسول اللہ (صلی اللہ علیہ وآلہ وسلم) اگر آپ کی عورتیں پردہ کا اہتمام کرتیں کیونکہ آپ کے پاس تو نیک وبدہرقسم کے لوگ آتے ہیں اللہ تعالیٰ نے آیت نازل فرمائی۔ 3 ۔ اور میں نے کہا یارسول اللہ اگر ازواج مطہرات پردے کا اہتمام کرلیں تو اچھا ہے کیونکہ آپ کے پاس ہر قسم کے نیک وبدلوگ آتے ہیں تو اللہ تعالیٰ نے آیت نازل فرمائی :۔ واذاسالتمو ھن متاعا فسئلو ھن من وراء حجاب اور جب یہ آیت بھی نازل ہوئی :۔ ولقد خلقنا الانسان من سلالة من طین الی قولہ ثم انشاناہ خلقا اخر تو میں نے کہا : فتبارک اللہ احسن الخالفین تو اللہ تعالیٰ نے فتبارک اللہ احسن الخالقین نازل فرمایا اور ازواج مطہرات سے میں نے کہا رسول اللہ (صلی اللہ علیہ وآلہ وسلم) سے زیادہ مطالبہ سے باز آجاؤ ورنہ اللہ تعالیٰ تمہارے بدلہ میں اور ازواج عطا فرمادیں گے تو یہ آیت نازل ہوئی عسی ربہ ان طلق کن۔ (ٕطبرانی ابن ابی حاتم ، ابن مردویہ ، ابن عساکر وھو صحیح)