Kanz al-Ummal: Hadith 35875

35866 ۔۔۔ سعید بن جبیر سے روایت ہے کہ نبی کریم (صلی اللہ علیہ وآلہ وسلم) نماز پڑھ رہے تھے تو ایک مسلمان کا ایک منافق پر گذر ہوا تو اس سے کہا کہ رسول اللہ (صلی اللہ علیہ وآلہ وسلم) نماز پڑھ رہے ہیں اور تم بیٹھے ہوئے ہو تو اس نے جواب دیا تمہیں کوئی درپیش ہو تو کام پر چلے جاؤ تو انھوں نے کہا میرا خیال یہی ہے کہ تم پر ایسا آدمی گذرے گاجوتجھ پر نکیر کرے گا اتفاق سے عمربن خطاب (رض) کا گذر ہوا اس سے پوچھا اے فلاں نبی کریم (صلی اللہ علیہ وآلہ وسلم) نماز پڑھ رہے ہیں اور تم بیٹھے ہوئے ہو تو اس نے پہلے جیسا جواب دیاتو فورا اس پر جھپنے اور اس کو ڈانٹا پھر مسجد میں داخل ہو کر آپ (صلی اللہ علیہ وآلہ وسلم) کے ساتھ نماز ادا کی جب آپ نماز سے فارغ ہوئے ہو تو عمر (رض) آپ کی خدمت میں حاضر ہوئے عرض کیا اے اللہ کے نبی میرا فلاں پر گذرہو آپ نماز میں تھے میں نے اس سے پوچھا کہ نبی کریم (صلی اللہ علیہ وآلہ وسلم) نماز پڑھا رہے ہیں تم ویسے بیٹھے ہوئے ہو تو اس نے جواب دیا اپنے کام میں لگ جاؤ اگر کوئی کام کرنا چاہتے ہو تو رسول اللہ (صلی اللہ علیہ وآلہ وسلم) نے فرمایا اس کی گردن کیوں نہ ماردی ؟ تو جلدی سے اس کے لیے اٹھا لیکن رسول اللہ (صلی اللہ علیہ وآلہ وسلم) نے فرمایا اے عمرواپس آجاؤ کیونکہ تمہارے غصہ میں عزت ہے اور رضاء میں حکمت ہے اللہ کے فرشتے ساتوں آسمان میں اللہ کے لیے نماز پڑھتے ہیں اور فلاں کی نماز سے مستغنی ہے تو عمر (رض) سے پوچھا یارسول اللہ (صلی اللہ علیہ وآلہ وسلم) ان کی نماز کس طرح ہوتی ہے تو آپ (صلی اللہ علیہ وآلہ وسلم) نے کوئی جواب نہیں دیا تو جبرائیل (علیہ السلام) تشریف لائے اور کہا اے اللہ کے نبی کریم (صلی اللہ علیہ وآلہ وسلم) کیا عمرفرشتوں کی آسمان میں نماز کے متعلق سوال کررہا ہے فرمایا ہاں تو جبرائیل (علیہ السلام) نے کہا ان کو سلام پہنچا دیں پھر بتادیں کہ آسمان دنیا والے سجدہ میں ہیں قیامت کے لیے اور ان کی تسبیح ہے سبحان ذی الملک والملکوت دوسرے آسمان والے قیامت تک کے لیے حالت قیات میں ہیں اور ان کی تسبیح سبحان رب العزة والجبروت اور تیسرے آسمان والے حالت قیام میں ہیں قیامت تک کے لیے اور ان کی تسبیح ہے سبحان الحی الذی لایموت ۔ (رواہ ابن عساکر)