Kanz al-Ummal: Hadith 36118

٣٦١٠٩۔۔۔ ” مسند حذیفہ بن الیمان “ ربعی بن حراش کی روایت ہے کہ حضرت حذیفہ (رض) کہتے ہیں کہ رسول کریم (صلی اللہ علیہ وآلہ وسلم) نے ارشاد فرمایا : میرا ارادہ ہے کہ میں ایک قوم کو معلم بنا کر لوگوں میں بھیجوں جو انھیں سنت کی تعلیم دے جس طرح کہ عیسیٰ بن مریم نے اپنے حواریوں کو بنی اسرائیل میں بھیجا تھا کسی نے آپ (صلی اللہ علیہ وآلہ وسلم) سے عرض کیا : ابوبکر (رض) و عمر (رض) کے بارے میں آپ کا کیا خیال ہے آپ انھیں لوگوں کے پاس تعلیم کے لیے نہیں بھیجتے ؟ آپ (صلی اللہ علیہ وآلہ وسلم) نے فرمایا : میں ان سے بےنیاز نہیں ہوں چنانچہ دین کے معاملہ میں ان کا مقام ایسا ہی ہے جیسا کہ سر کا مقام جسد میں ہوتا ہے۔ (رواہ ابن عساکر)