Kanz al-Ummal: Hadith 36142

٣٦١٣٣۔۔۔ عبداللہ بن یسر کندی، حضرت عبداللہ بن عمرو کی روایت نقل کرتے ہیں کہ رسول کریم (صلی اللہ علیہ وآلہ وسلم) نے ارشاد فرمایا میں نے ارادہ کیا تھا کہ میں اپنے صحابہ (رض) میں سے کچھ مردوں کو سر زمین کے مختلف بادشاہوں کی طرف بھیجوں جو انھیں اسلام کی دعوت دیں جیسا کہ عیسیٰ ابن مریم نے اپنے حواریوں کو بھیجا تھا۔ صحابہ (رض) نے عرض کیا : آپ ابوبکر و عمر کو کیوں نہیں بھیجتے حالانکہ وہ افضل و اعلیٰ ہیں ؟ آپ (صلی اللہ علیہ وآلہ وسلم) نے فرمایا میں ان سے بےنیاز نہیں ہوں دین میں ان کا مقام ایسا ہی ہے جیسا کہ کان اور آنکھ کا مقام سر میں ہے۔ (رواہ ابن عساکر)