Kanz al-Ummal: Hadith 36169

٣٦١٦٠۔۔۔ حضرت عثمان (رض) فرماتے ہیں : اللہ تعالیٰ نے مجھے دس (١٠) خوبیوں سے نوازا ہے جو میں نے لوگوں سے چھپائے رکھی ہیں چنانچہ میں نے چوتھے نمبر پر اسلام لیا۔ رسول کریم (صلی اللہ علیہ وآلہ وسلم) نے پہلے اپنی ایک بیٹی میرے نکاح میں دی پھر اس کے بعد دوسری دی میں نے اپنے دائیں ہاتھ سے رسول کریم (صلی اللہ علیہ وآلہ وسلم) کے دست اقدس پر بیعت کی ہے اس وقت سے میں نے اپنے دائیں ہاتھ سے آلہ تناسل کو نہیں چھوڑا میں گانے بجانے سے دور رہا ہوں اور نہ ہی میں نے اس کی تمنا کی میں نے جاہلیت میں بھی شراب نہیں پی اور اسلام میں تو اس کا سوال ہی پیدا نہیں ہوا رسول کریم (صلی اللہ علیہ وآلہ وسلم) نے فرمایا تھا : جو شخص زمین کے اس ٹکڑے کو خرید کر مسجد میں شامل کرے اس کے لیے جنت میں عالیشان گھر ہوگا۔ چنانچہ میں نے زمین کا وہ ٹکڑا خرید کر مسجد میں شامل کرلیا۔ (رواہ ابن ابی شیبۃ وابن ابی عاصم فی السنۃ)