Kanz al-Ummal: Hadith 36172

٣٦١٦٣۔۔۔ ” ایضاً “ اسلم (رح) کی روایت ہے کہ جس دن حضرت عثمان (رض) کا محاصرہ جاری تھا میں آپ کی خدمت میں حاضر ہوا آپ (رض) نے فرمایا : اے طلحہ ! میں تمہیں اللہ تعالیٰ کا واسطہ دیتا ہوں کیا تمہیں وہ دن یاد ہے جس دن میں اور تو رسول کریم (صلی اللہ علیہ وآلہ وسلم) کے ساتھ فلاں اور فلاں جگہ تھے اور میرے علاوہ کوئی صحابی بھی آپ (رض) کے ساتھ نہیں تھا حضرت طلحہ (رض) نے فرمایا : جی ہاں مجھے یاد ہے عثمان (رض) نے فرمایا : تمہیں رسول کریم (صلی اللہ علیہ وآلہ وسلم) نے فرمایا تھا اے طلحہ ! کوئی نبی ایسا نہیں کہ اس کے صحابہ (رض) میں سے جنت میں اس کا کوئی رفیق نہ ہو اور یہ عثمان بن عفان بھی جنت میں میرا رفیق ہوگا حضرت طلحہ (رض) نے عرض کیا : جی ہاں ۔ پھر آپ (صلی اللہ علیہ وآلہ وسلم) واپس لوٹ آئے۔ (رواہ ابی عاصم وعبداللہ بن احمد والعقیلی والحاکم وابو یعلی والالکانی فی السنۃ وابن عساکر)