Kanz al-Ummal: Hadith 36195

٣٦١٨٦۔۔۔ اسود بن ہلاک کی روایت ہے کہ حیرہ میں ایک اعرابی اذان دیتا تھا اور اسے جبر کے نام سے پکارا جاتا تھا وہ کہنے لگا : یہ عثمان (رض) اس وقت تک وفات نہیں پائیں گے جب تک اس امت کے امر خلافت کے متولی نہ ہوجائیں اس سے کسی نے پوچھا تمہیں کہاں سے اس کا علم ہوا ؟ اس نے جواب دیا : چونکہ میں نے رسول کریم (صلی اللہ علیہ وآلہ وسلم) کے ساتھ نماز فجر پڑھی جب آپ نے سلام پھیرا تو ہم آپ کے سامنے ہو کر بیٹھ گئے آپ نے فرمایا : آج رات میرے صحابہ (رض) میں سے کچھ لوگوں کو میزان میں تولا گیا چنانچہ ابوبکر (رض) کا وزن کیا گیا وہ وزن میں پورے اترے پھر عمر کا وزن کیا گیا اور وہ
بھی وزن میں پورے اترے پھر عثمان کا وزن کیا گیا اور وہ بھی وزن میں پورے اترے۔ (رواہ ابن مندہ وابن عساکر)