Kanz al-Ummal: Hadith 36215

٣٦٢٠٦۔۔۔ ابن عباس (رض) فرماتے ہیں ایک مرتبہ رسول کریم (صلی اللہ علیہ وآلہ وسلم) (کسی طرف) تشریف لے جا رہے تھے جب کہ حضرت عثمان (رض) ایک جگہ بیٹھے ام کلثوم بنت رسول اللہ (صلی اللہ علیہ وآلہ وسلم) پر رو رہے تھے رسول اللہ (صلی اللہ علیہ وآلہ وسلم) کے ساتھ آپ کے دو صحابہ ابوبکر و عمر (رض) بھی تھے رسول اللہ (صلی اللہ علیہ وآلہ وسلم) نے فرمایا : اے عثمان ! کیوں رو رہے ہو ؟ عرض کیا : یا رسول اللہ ! میں اس لیے رو رہا ہوں چونکہ آپ کے ساتھ قائم سسرالی رشتہ ٹوٹ چکا ہے آپ نے فرمایا : دو نہیں قسم اس ذات کی جس کے قبضہ قدرت میں میری جان ہے اگر میرے پاس سو (١٠٠) بیٹیاں ہوتیں ایک کے بعد دوسری مرتی تو میں بھی ایک کے بعد دوسری کا نکاح تجھ سے کرتا حتیٰ کہ ان میں سے ایک بھی باقی نہ بچتی یہ جبرائیل امین ہیں یہ مجھے بتا رہے ہیں کہ اللہ تعالیٰ نے حکم دیا ہے کہ میں اس کی بہن رقیہ (رض) کا نکاح تم سے کرادوں اور اس کا مہر بھی وہی مقرر کروں جو اس کی بہن کا تھا۔ (رواہ ابن عساکر وقال کذا قال : والمحفوظ ان الاولی رقیۃ)