Kanz al-Ummal: Hadith 36223

٣٦٢١٤۔۔۔ ابن عباس (رض) کی روایت ہے کہ ایک مرتبہ رسول اللہ (صلی اللہ علیہ وآلہ وسلم) اپنے گھر میں تشریف فرما تھے آپ پر صرف ایک ازار تھا جو ٹانگوں کے درمیان ڈال رکھا تھا جب کہ آپ کی رانیں ازار سے باہر تھیں اتنے میں ابوبکر نے اجازت طلب کی آپ (صلی اللہ علیہ وآلہ وسلم) نے انھیں اجازت دی اور وہ گھر میں داخل ہوگئے پھر عمر (رض) تشریف لائے اور انھیں بھی آپ نے اجازت مرحمت فرمائی اور وہ بھی اندر داخل ہوگئے پھر عثمان (رض) تشریف لائے آپ نے انھیں اجازت دی جب رسول اللہ (صلی اللہ علیہ وآلہ وسلم) نے عثمان (رض) کو دیکھا تو آپ جلدی سے کھڑے ہوئے اور گھر میں داخل ہوگئے آپ کا یہ انداز حضرت عائشہ (رض) پر گراں گزرا جب یہ حضرات گھر سے چل دئیے تو حضرت عائشہ (رض) نے عرض کیا : یا رسول اللہ ابوبکر و عمر (رض) آپ کے پاس تشریف لائے مگر آپ کی حالت میں کوئی تغیر نہیں پیدا ہوا لیکن جب عثمان (رض) تشریف لائے آپ فوراً کھڑے ہوگئے آپ (صلی اللہ علیہ وآلہ وسلم) نے فرمایا : اے عائشہ (رض) کیا میں اس شخص سے حیاء نہ کروں جس سے فرشتے بھی حیاء کرتے ہیں۔ بلاشبہ فرشتے عثمان سے حیاء کرتے ہیں۔ (رواہ ابن جریر