Kanz al-Ummal: Hadith 36319

٣٦٣١٠۔۔۔ ابن سیرین (رح) کے روایت ہے کہ وہ شخص حضرت عثمان (رض) کا تذکرہ کر رہے تھے ان میں سے ایک کہہ رہا تھا عثمان (رض) کو شہید کیا گیا ہے دوسرا شخص اس سے لپٹ گیا اور اسے حضرت علی (رض) کے پاس لے آیا اور کہا : اس شخص کا دعوی ہے کہ عثمان (رض) شہید کیے گئے ہیں حضرت علی (رض) نے اس شخص سے فرمایا : تم یہ بات کہتے ہو ؟ عرض کیا : جی ہاں آپ بھی اس کے گواہ ہیں۔ کیا آپ کو یاد ہے جس دن میں نبی کریم (صلی اللہ علیہ وآلہ وسلم) کی خدمت میں حاضر ہوا آپ (رض) کے پاس ابوبکر و عمر عثمان (رض) اور آپ بھی تھے میں نے نبی کریم (صلی اللہ علیہ وآلہ وسلم) سے سوال کیا آپ نے مجھے عطاء کیا ابوبکر (رض) سے سوال کیا انھوں نے عطا کیا عمر (رض) سے سوال کیا انھوں نے بھی مجھے عطا کیا عثمان (رض) سے سوال کیا انھوں نے بھی مجھے عطاء کیا پھر آپ سے سوال کیا پر آپ نے مجھے کچھ نہ دیا میں نے عرض کیا : یا رسول اللہ ! دعا کریں اللہ تعالیٰ اس امل میں میرے لیے برکت فرمائے۔ آپ (صلی اللہ علیہ وآلہ وسلم) نے فرمایا : بھلا برکت کیوں نہیں ہوگی حالانکہ تمہیں نبی نے صدیق نے اور دو شہیدوں نے عطاء کیا ہے ؟ آپ نے تین بار یہ ارشاد فرمایا : حضرت علی (رض) نے کہا : اسے چھوڑ دو ۔ (رواہ العدنی وابو یعلی وابن عساکر)