Kanz al-Ummal: Hadith 36361

٣٦٣٥١۔۔۔ ” مسند ابی سعید “ ایک دفعہ ہم مسجد میں بیٹھے ہوئے تھے اتنے میں رسول اللہ (صلی اللہ علیہ وآلہ وسلم) تشریف لائے اور ہمارے ساتھ بیٹھ گئے ہماری کیفیت یہ ہوگئی گویا ہمارے سروں پر پرندے بیٹھے ہوئے ہیں ہم میں سے کسی کو بھی کلام کرنے کی جسارت نہ ہوئی آپ (صلی اللہ علیہ وآلہ وسلم) نے ارشاد فرمایا : تم میں سے ایک شخص ایسا ہے جو ” تاویل قرآن “ پر لوگوں سے قتال کرے گا جس طرح کہ تنزیل قرآن پر تم سے قتال کیا گیا ابوبکر (رض) اٹھے اور بولے : یا رسول اللہ ! وہ شخص میں ہوں ؟ فرمایا : نہیں۔ عمر (رض) اٹھے اور بولے : یا رسول اللہ ! وہ شخص میں ہوں ؟ فرمایا : نہیں لیکن یہ وہ شخص ہے جو اپنی گود میں جوتا درست کررہا ہے چنانچہ حضرت علی (رض) ہمارے پاس آئے اور انھوں نے رسول اللہ (صلی اللہ علیہ وآلہ وسلم) کا جوتا اٹھا رکھا تھا جسے درست کیا تھا۔ (رواہ ابن ابی شیبۃ واحمد بن حنبل وابو یعلی والحاکم وابو نعیم فی الحلیۃ و سعید بن المنصور)