Kanz al-Ummal: Hadith 36372

٣٦٣٦٢۔۔۔ عفیف کندی کی روایت ہے کہ میں جاہلیت میں مکہ آیا میرا ارادہ تھا کہ میں گھر والوں کے لیے کپڑے اور خوشبو وغیرہ خرید لوں اس مقصد کے لیے میں عباس (رض) کے پاس آیا وہ اس وقت تاجر تھے میں ان کے پاس بیٹھا کعبہ کی طرف دیکھ رہا تھا سورج ساف ہو کر آسمان میں بلند ہونے لگا تھا یکایک ایک شخص آیا آسمان کی طرف دیکھا پھر کعبہ کی طرف منہ کرکے کھڑا ہوگیا تھوڑی دیر گزری تھی کہ ایک لڑکا آیا اور اس کی دائیں طرف کھڑا ہوگیا پھر تھوڑی دیر کے بعد ایک عورت آئی اور ان کے پیچھے کھڑی ہوئی وہ شخص جھک گیا اس کے ساتھ لڑکا اور عورت بھی جھک گئے اس شخص نے سر اٹھایا اس کے ساتھ لڑکے اور عورت نے بھی سر اٹھایا اس نے سجدہ کیا لڑکے اور عورت نے بھی سجدہ کیا میں نے کہا : اے عبس ! یہ کیا عظیم معاملہ ہے جواب دیا : جی ہاں یہ عظیم معاملہ ہے کیا تم اس شخص کو جانتے ہو ؟ یہ میرا بھتیجا محمد بن عبداللہ ہے اس لڑکے کو جانتے ہو ؟ یہ مرا بھتیجا علی ہے۔ اس عورت کو جانتے ہو ؟ یہ اس شخص کی بیوی خدیجہ بنت خویلد ہے میرا یہ بھتیجا کہتا ہے کہ آسمانوں اور زمین کا رب اس کا رب ہے اسی نے اسے اس دین کا حکم دیا ہے اس دین پر زمین کے اوپر ان تینوں کے سوا اور کوئی نہیں ہے۔ (رواہ ابن عدی وابن عساکر وفیہ سعید بن حیثم الھلالی قال الازدی : منکر الحدیث عن اسد ابن عبداللہ العسری قال البخاری لایتابع علی حدیثہ)
فائدہ :۔۔۔ اس حدیث سے تشیع کی بدبو آرہی ہے بھلا ابوبکر (رض) جو ہر وقت نبی کریم (صلی اللہ علیہ وآلہ وسلم) کے ساتھ رہتے تھے رسول اللہ (صلی اللہ علیہ وآلہ وسلم) نماز پڑھیں اور ابوبکر حاضر نہ ہوں۔ (فافھم وتامل۔