Kanz al-Ummal: Hadith 36435

٣٦٤٢٥۔۔۔ بریدہ (رض) کی روایت ہے کہ رسول کریم (صلی اللہ علیہ وآلہ وسلم) نے ایک سریہ روانہ کیا اور اس پر حضرت علی (رض) کو امیر مقرر کیا۔ جب ہم واپس لوٹے تو رسول اللہ (صلی اللہ علیہ وآلہ وسلم) نے ہم سے پوچھا : تم نے اپنے ساتھی کی صحبت کو کیسا پایا ؟ فرمایا : یا تو میں اس کی شکایت کروں یا میرے علاوہ کوئی اور اس کی شکایت کرے۔ میں نے اپنا سر اوپر اٹھایا ، میں اپنا سر جھکائے رکھتا تھا جب مجھ سے کوئی بات کی جاتی میں اپنا سر جھکا لیتا تھا، کیا دیکھتا ہوں کہ نبی کریم (صلی اللہ علیہ وآلہ وسلم) کا چہرہ اقدس متغیر ہوتا جا رہا ہے۔ اور پھر فرمایا : جس کا میں دوست ہوں علی بھی اس کا دوست ہے، اس کے بعد میرے دل میں جو کچھ عدورت تھی وہ جاتی رہی میں نے کہا : میں علی (رض) کا ذکر بد نہیں کروں گا۔ (رواہ ابن جریر)