Kanz al-Ummal: Hadith 36444

٣٦٤٣٤۔۔۔ جابر (رض) کی روایت ہے کہ میں نے حضرت علی (رض) رنہ کو مندرجہ ذیل اشعار پڑھتے ہوئے سنا اور رسول اللہ (صلی اللہ علیہ وآلہ وسلم) بھی ان کی سماعت کر رہے تھے۔
انا اخو المصطفی لاشک فی نسبی معہ ربیت وسبطا ھما ولدی
میں محمد مصطفیٰ (صلی اللہ علیہ وآلہ وسلم) کا بھائی ہوں میرے نسب میں کوئی شک نہیں ہے میری ان کے ساتھ ترتیب کی گئی ہے اور ان
کے دونواسے میرے بیٹے ہیں۔
جدی وجد رسول اللہ منفرح وفاطم زوجتی لاقول ذی فند
میرا اور رسول اللہ (صلی اللہ علیہ وآلہ وسلم) کا دادا ایک ہی ہے اور فاطمہ (رض) میری بیوی ہے جھوٹے کی بات کوئی حیثیت نہیں
صدقتہ و جمیع الناس فی بھم من الصلاۃ والاشراک والنکد
میں نے اس وقت ان کی تصدیق کی ہے جب سارے لوگ گمراہی شرک اور مکدر زندگی کے بھنور میں پھنسے ہوئے تھے۔
فالحمدللہ شکرا لا شریک لہ البر بالعبد والباقی بلا امد
تمام تعریفیں اللہ تعالیٰ ہی کیلئے ہیں اور میں اس کا شکر ادا کرتا ہوں اس کا کوئی شریک نہیں نیکی بندے کا خزانہ ہے اور اس کے علاوہ سب کچھ فضول ہے۔
رسول کریم (صلی اللہ علیہ وآلہ وسلم) مسکرا دئیے اور فرمایا : اے علی تم سچ کہا : (رواہ ابن عساکر وفیہ عمارۃ ابن زیا، ازدی کہتے ہیں : یہ شخص حدیثیں وضع کرتا تھا میں کہتا ہوں صبح بات یہ ہے کہ یہ اشعار حضرت علی (رض) کے نام پر وضع کئے گئے ہیں حالانکہ یہ اشعار حضرت علی (رض) نے نہیں فرمائے چونکہ جس شخص میں معمولی سی بھی براعت اشعار ہو وہ جانتا ہے کہ یہ اشعار شعری مرتبہ و مقام سے کس قدر پست ہیں حضرت علی (رض) کی ذات ایسے اشعار کہنے سے بالاتر ہے چہ جائیکہ ایسے جھونے وضاع کی سند سے یہ اشعار ان کی طرف منسوب کیے جائیں) ۔