Kanz al-Ummal: Hadith 36472

٣٦٤٦٢۔۔۔ ” مسند علی “ ترمذی وابن جریر دونوں روایت کرتے ہیں اسماعیل بن موسیٰ سعدی محمد بن عمر رومی شریک سلمہ بن کہیل عن سوید بن غفلہ صنا بحی علی (رض) کی روایت ہے کہ رسول کریم (صلی اللہ علیہ وآلہ وسلم) نے فرمایا : میں حکمت کا خزانہ ہوں اور علی اس کا دروازہ ہے۔ (رواہ ابو نعیم فی الحلیۃ امام ترمذی کہتے ہیں ایک نسخہ کے اعتبار سے یہ حدیث غریب اور منکر ہے بعض محدثین نے یہ حدیث شریک کے واسطہ سے روایت کی ہے لیکن اس کی سند میں صنابحی کا ذکر نہیں کیا جب کہ ثقہ راویوں میں سے شریک کے علاوہ کسی سے معروف نہیں ہے وفی الباب عن ابن عباس انتھی۔ ابن جریر کہتے ہیں یہ حدیث صحیح و مسند ہے ہاں البتہ دوسرے محدثین کے نقطہ نظر سے اگرچہ سقیم و ضعیف ہے اور اس کی دو وجہیں ہوسکتی ہیں۔ (١) اس کا مخرج عن علی عن (رض) اس طریق کے علاوہ کسی اور طریق سے ثابت نہیں (٢) سلمہ بن کہیل محدثین کے نزدیک ایسا راوی ہے جس کی مرویات کسی طرح حجت نہیں۔ جب کہ نبی کریم (صلی اللہ علیہ وآلہ وسلم) سے اور بھی روایات اس کی موافقت میں روایت کی گئی ہیں
کلام :۔۔۔ حدیث ضعیف ہے دیکھئے الاتقان : ٣١٢ والتزکرۃ ١٦٣۔