Kanz al-Ummal: Hadith 36496

٣٦٤٨٦۔۔۔ عمیر بن سعد کی روایت ہے کہ میں نے حضرت علی (رض) کو منبر پر دیکھا آپ اصحاب رسول کو واسطہ دے رہے تھے کہ جس شخص نے ” غدیر خم “ کے دن رسول اللہ (صلی اللہ علیہ وآلہ وسلم) کو سنا ہو وہ گواہی دے چنانچہ بارہ (١٢) آدمی کھڑے ہوئے ان میں ابوہریرہ (رض) ابو سعید اور انس بن مالک (رض) بھی تھے انھوں نے گواہی دی کہ رسول اللہ (صلی اللہ علیہ وآلہ وسلم) کو انھوں نے فرماتے سنا ہے۔ کہ میں جس کا دوست ہوں علی بھی اس کا دوست ہے یا اللہ جو شخص علی سے دوستی رکھتا ہو تو بھی اس سے دوستی رکھ اور جو علی سے دشمنی رکھتا ہو تو بھی اس سے دشمنی رکھ۔ (رواہ الطبرانی فی الاوسط)