Kanz al-Ummal: Hadith 36548

٣٦٥٣٨۔۔۔ ” ایضاً “ زاذان کی روایت ہے ایک مرتبہ حضرت علی (رض) اکیلے ہی بازار میں چل رہے تھے آپ والی تھے گمراہ کو سیدھی راہ دکھاتے گمشدہ چیز کا اعلان کرتے کمزوری کی مدد کرتے نیز دوسرے دو کا نداوں اور سبزی فروشوں کے پاس سے گزرتے انھیں قرآن کی یاد دلاتے اور خود یہ آیت پڑھتے : ” تلک الدار الآخرۃ نجعلھا للذین لا یریدون علوا فی الارض ولا فسادا “ یہ آخرت کا ٹھکانا ہے ہم یہ ان لوگوں کو عطاء کریں گے جو دنیا میں برتری اور فساد کے درپے نہیں ہوں گے آپ (رض) فرماتے : یہ آیت ان لوگوں کی شان میں نازل ہوئی ہے جو حکمرانوں میں سے اہل عدل اور اہل تواضع ہوں اور باقی لوگوں میں سے اہل قدرت ہوں۔ (رواہ ابن عساکر)